Kosova mund të bëhet me dy kryeqytete

Miratimi i projektligjit për Kryeqytetin e Republikës së Kosovës, mund t’i prodhojë dy kryeqytete, njëri administrativ e tjetri historik.
Në ndryshimet e bëra më 10 prill, Komisioni Parlamentar për Administratë Publike, Qeverisje Lokale dhe Media, nenit 4 i ka shtuar edhe pikën 2, e cila i jep këtë epitet qytetit Lidhjes Shqiptare të vitit 1878, raporton KTV.
Ky propozim ka ardhur nga deputeti i PDK-së, që vjen nga ky qytet, Nait Hasani, i cili e udhëheq këtë komision.
Shkurtimisht, përmes telefonit, ai ka thënë se shumë shtete i kanë “kryeqytetet historike”, andaj edhe Kosova duhet ta ketë të vetin.
I pari i Prishtinës, Shpend Ahmeti, thotë se në projektligjin që posedon ai, ky nen nuk ekziston, ndërsa diskutimet për këtë i quan politike.
Kryeqyteti historik, sipas Ahmetit, nuk duhet të jetë pjesë e ligjit për atë administrativ.
Sipas tij, nëse hyhet në histori, Prizreni ka qenë kryeqytet i Shqipërisë dhe nuk do të duhej të kufizohej vetëm me Kosovë.
Ndërsa, i pari i qytetit të dytë më të madh në vend, Mytaher Haskuka, gjatë së shtunës, nuk ka folur rreth kësaj çështjeje, me arsyetimin se është në Gjermani.

Në prag të ditës së zgjedhjeve për rundin e dytë në Prizren, Lidhja Demokratike e Kosovës ka bërë thirrje për mobilizim të plotë të strukturave dhe mbështetësve të saj, në përkrahje të kandidatit për kryetar të Prizrenit, Shaqir Totaj, në kuadër të marrëveshjes së bashkëqeverisjes LDK–PDK. “Nesër është dita vendimtare për ta dëshmuar angazhimin tonë në kuadër të marrëveshjes së bashkëqeverisjes LDK–PDK, dhe për ta mbështetur z. Totaj për kryetar të Prizrenit,” thuhet në njoftimin e LDK-së. Subjekti ka kërkuar nga të gjitha strukturat që të jenë të pranishme dhe aktive gjatë gjithë ditës së zgjedhjeve. “Ju lusim që gjatë ditës së nesërme të aktivizoheni maksimalisht, të kontaktoni kryesitë e nëndegëve dhe përkrahësit tanë, dhe të sigurohemi që çdo votë e jona të jetë e pranishme dhe e numëruar,” theksohet në njoftim. Në fund, LDK ka përcjellë një mesazh të qartë për unitet dhe bashkëpunim: “Ky është momenti për angazhim dhe për fitore të përbashkët. Fitore✌️”

November 8, 2025