Përpjekja financiare e Barcelonës nuk e ka bindur Manchester City, që ka refuzuar ofertën e dytë zyrtare për Rodri Hernández, mesfushorin 30-vjeçar. Barcelona e rriti propozimin nga 45 milionë euro, plus bonuse, në 55-60 milionë euro, plus bonuse, që mund ta çonin shumën deri në 65 milionë euro. Megjithatë, City kërkon të paktën 70-80 milionë euro fikse.
Sipas “The Times”, klubi anglez vazhdon të mbajë qëndrim të fortë, edhe pse e di se Rodri ka dhënë “po”-në e tij për Barcelonën. Situata komplikohet edhe më shumë pasi kontrata e tij skadon më 2027, kur mund të largohet si lojtar i lirë.
Klubi i “qytetarëve” kërkon të mbledhë para edhe për Enzo Fernández, për të cilin Chelsea kërkon 120 milionë paund (140 milionë euro). Sipas Fabrizio Romano, blutë e Londrës i kanë vendosur Manchester City një afat deri të premten në orën 17:00.
City rrezikon që, nëse prish negociatat me Barçën, të humbasë jo vetëm 60 milionë euro, por edhe të mbetet me një Rodri të pakënaqur. Ndërkohë, Barcelona nuk mund ta lërë mesfushorin pa zgjidhje pas qëndrimit të tij të qartë.
