Mesditën e sotme, Arsenal zyrtarizoi transferimin e Bruno Guimaraes nga Newcastle për 87 milionë euro. Blerja e dytë më e shtrenjtë në historinë e londinezëve, pas Declan Rice.
Në intervistën e tij të parë si lojtar i Arsenalit, Guimaraes nuk i fshehu dot emocionet dhe iu premtoi tifozëve se ai do të jetë luftëtari i tyre dhe nuk do të dorëzohet kurrë.
“Jam shumë i emocionuar që do t’i bashkohem këtij klubi. Këtu, duke veshur këtë fanellë, duhet të synosh të fitosh trofe, të fitosh gjithçka që mundemi dhe të bësh histori. Dua ta vendos emrin tim në historinë e klubit. Një ditë, kur të largohem, dua që lojtarët të vijnë këtu dhe të thonë se dua të bëj pikërisht atë që bëri Bruno për klubin. Mendoj se është gjëja më e mirë që një lojtar mund të bëjë për klubin: të krijojë histori dhe të frymëzojë të rinjtë
Mesazhi për mua është faleminderit për gjithçka që keni bërë. Për të gjitha mesazhet që më keni dhënë, jam shumë i emocionuar që do t’ju bashkohem. Do t’ju jap më të mirën time, ju premtoj. Jam luftëtari juaj, nuk do të dorëzohem kurrë. Shpresojmë që të krijojmë shumë, shumë kujtime të mira së bashku”, tha Guimaraes.
