Një person është arrestuar mbrëmjen e së enjtes në një qendër tregtare në Pejë, pasi dyshohet se ka sulmuar qytetarët.
Siç ka konfirmuar zëdhënësi i policisë për rajonin e Pejës, Driton Rugova për Klankosova.tv, rreth orës 20:15 është pranuar informacioni se një person po sulmonte qytetarët brenda qendrës tregtare.
Menjëherë pas marrjes së njoftimit, njësitë policore kanë dalë në vendin e ngjarjes, ku kanë arritur ta neutralizojnë situatën dhe ta arrestojnë të dyshuarin.
I dyshuari është shoqëruar në Stacionin Policor në Pejë, ku po intervistohet lidhur me rastin.
Rugova ka bërë të ditur se, fatmirësisht, nga incidenti nuk është raportuar për persona të lënduar./Klankosova.tv
