Edhe pse oferta e parë e Barcelonës prej 20 milionë eurosh në drejtim të Borussia Dortmundit për Karim Adeyemi është refuzuar, transferimi i gjermanit te katalanasit mund të quhet një çështje e përfunduar dhe shumë shpejt pritet të arrihet marrëveshja mes palëve. Madje, Fabrizio Romano raportoi vetëm pak më parë se është arritur marrëveshja mes dy klubeve për shifrën 30 milionë euro.
Por, ardhja e Adeyemi nuk do të jetë pa pasoja. Mediet pranë klubit katalanas bëjnë me dije se Raphinha do të jetë largimi i madh te katalanasit, pas ardhjes së Adeyemi. Sulmuesi brazilian ka kohë që përflitet për një transferim të mundshëm drejt Arabisë Saudite, ku arsyeja kryesore është paga, pasi do të jetë një nga më të paguarit në botë.
Adeyemi mund të mbulojë fare mirë boshllëkun që do të sillte largimi i Raphinha. 24-vjeçari gjerman mund të mbulojë të dy krahët e sulmit, por mund të luajë edhe në qendër. Nga shitja e Raphinha, Barcelona pret të fitojë 100 milionë euro. Marrëveshja me Borussia Dortmund për Adeyemin mund të arrihet për shifrën 30-35 milionë euro.
The post Transferimi i Adeyemi te Barcelona do të jetë me pasoja, do të largohet një emër “big” appeared first on Telesport.
