Brazili u eliminua nga Kupa e Botës në fazën e 1/8-ave, pas humbjes 2-1 ndaj Norvegjisë, ndërsa zhgënjimi i Casemiros u bë simbol i dhimbjes së gjithë vendit. Gazetarja Fernanda Gentil i tha: “Për ne jeta vazhdon. Pas tre ose gjashtë muajve do ta kemi përpunuar këtë dhimbje.
Gjithsesi, për shumë fëmijë në Brazil nuk është kështu. Ashtu si ti apo Vinicius dikur, kur shihnit Brazilin e Ronaldos dhe Rivaldos të eliminohej, ata do të vazhdojnë të besojnë, edhe kur ëndrrat shuhen. Çfarë u thua atyre sot?”
Mesfushori nuk i mbajti dot lotët dhe heshti. Ajo vijoi: “Mos ndalo së besuari, sepse as ti nuk u dorëzove”. Me zërin që i dridhej, Casemiro tha vetëm: “Është e vështirë të gjej fjalët… Më fal, nuk ia dal dot”.
Më pas shtoi: “Botërori është ëndrra e çdo futbollisti. Ky ishte shansi im i tretë. Jam krenar për atë që kemi bërë, edhe pse nuk fituam. E di që kemi zhgënjyer mijëra njerëz. Në momente si ky do vetëm të jesh pranë familjes. Më vjen keq”. Gazetarja e falënderoi për guximin që doli para kamerave.
The post Gazetarja e përlot Casemiron “live”, me një pyetje prekëse: “Më fal, nuk ia dal dot…” appeared first on Telesport.
