Lionel Messi vazhdon të rishkruajë historinë e futbollit botëror. Pas paraqitjeve të tij në Botërorin 2026, kapiteni i Argjentinës është bërë lojtari i parë në histori që arrin disa rekorde të jashtëzakonshme në këtë kompeticion.
Messi është futbollisti i parë që ka shënuar nga 7 gola në dy edicione të ndryshme të Kupës së Botës, një tregues i nivelit të tij të jashtëzakonshëm ndër vite. Ai është gjithashtu lojtari i parë që arrin kuotën e 20 golave në historinë e Botërorit.
Një tjetër rekord unik është fakti se Messi ka shënuar në 8 ndeshje radhazi të Kupës së Botës, diçka që nuk ishte arritur më parë. Për më tepër, ai është i vetmi futbollist që ka gjetur rrugën e rrjetës në çdo fazë të turneut: në të tria ndeshjet e fazës së grupeve, në raundin e 1/16-ve, 1/8-ve, çerekfinale, gjysmëfinale dhe finale.
Në moshën 39-vjeçare, Messi vazhdon të vendosë standarde të reja, duke forcuar edhe më shumë vendin e tij mes futbollistëve më të mëdhenj të të gjitha kohërave.
The post Messi vazhdon të thyejë kufijtë e historisë; rekorde që askush nuk i ka arritur më parë appeared first on Telesport.
