Gianni Infantino, në mesin e Botërorit, mbron vendimin për “pauzat e hidratimit” në ndeshjet e Kupës së Botës 2026. Pas kritikave nga tifozë dhe trajnerë që mendojnë se ndërprerjet prishin ritmin e lojës dhe shërbejnë për reklama, presidenti i FIFA-s e mohoi këtë: “FIFA nuk përfiton asgjë më shumë”.
Sipas tij, arsyeja kryesore është nxehtësia dhe fakti që turneu zgjat 39 ditë, me skuadra që mund të luajnë deri në 8 ndeshje, ndaj pushimet janë të rëndësishme për rikuperim. Ai thekson nevojën për kushte të barabarta:
“Është e vështirë të pranohet që një trajner të ndikojë ndeshjen për shkak të temperaturave më të larta, ndërsa në një ndeshje tjetër të mos ketë të njëjtën mundësi. Prandaj këto pauza janë vendosur në çdo ndeshje për të garantuar barazi”.
Infantino shton se “FIFA nuk merr të ardhura shtesë, pasi marrëveshjet komerciale janë firmosur më herët”, duke theksuar se kjo është “çështje thjesht sportive”.
The post Infantino mbron ndalesat e Botërorit: Pushimet për hidratim në futboll, asnjë përfitim shtesë appeared first on Telesport.
