Ndeshja e Kupës së Botës mes Francëës dhe Irakut mund të zgjasë më shumë se sa pritet. Stuhi të forta priten në Filadelfia sot, duke i lënë të dyja ekipet në pasiguri vetëm disa orë para fillimit të ndeshjes.
Arsyeja është protokolli në fuqi, jashtëzakonisht i rreptë i rrufeve në Shtetet e Bashkuara të Amerikës: sapo të zbulohet një shkarkim elektrik brenda një rrezeje prej 13 kilometrash nga stadiumi, ndeshja pezullohet menjëherë.
Lojtarët detyrohen të kthehen në dhomat e zhveshjes dhe fillon një numërim mbrapsht prej tridhjetë minutash. Nëse nuk zbulohet rrufe gjatë kësaj periudhe, ndeshja mund të rifillojë; anasjelltas, me shenjën më të vogël të një shkreptimë tjetër, kohëmatësi rivendoset dhe rinis.
Ky proces mund të përsëritet pafundësisht, derisa të kalojnë tridhjetë minuta radhazi pa ndonjë anomali të motit në afërsi të stadiumit. Një precedent i ngjashëm ndodhi gjatë Kupës së Botës për Klube të mbajtur në Shtetet e Bashkuara verën e kaluar, kur disa ndeshje u prekën nga moti i keq.
Asokohe, ndeshja e raundit të 16-tave midis Chelsea dhe Benfica, për shembull, zgjati plot 4 orë e 38 minuta për shkak të një ndërprerjeje dy-orëshe të shkaktuar nga një stuhi.
The post Ndeshja Francë-Irak në rrezik për shkak të rrufeve dhe stuhisë që priten gjatë ndeshjes, ja situata appeared first on Telesport.
