Rikthimi i Neymarit vazhdon të jetë një nga temat më të diskutuara në kampin e Brazilit, por Casemiro ka kërkuar qetësi dhe durim përpara se sulmuesi të konsiderohet sërish protagonist i “Seleçaos”.
Mesfushori brazilian theksoi se vëmendja e tepërt ndaj Neymarit nuk duhet të errësojë rëndësinë e grupit, duke kujtuar se aktualisht prioriteti i numrit 10 mbetet rikuperimi i plotë nga dëmtimi: “Sa herë që vijmë në një konferencë për shtyp, duhet të flasim për Neymar, Neymar, Neymar.
Unë mendoj se Neymar është thjesht si çdo lojtar tjetër brenda grupit. Ai është një tjetër lojtar i rëndësishëm në skuadër, mes 26 lojtarëve, apo jo? Ai është një lojtar që aktualisht po kujdeset për dëmtimin e tij, që dëshiron para së gjithash të rikthehet në stërvitje.
Prandaj mendoj se gjithçka duhet të bëhet hap pas hapi. Së pari duhet të rikthehet në gjendje të mirë fizike dhe më pas të mendojë për të qenë protagonist”.
The post Casemiro frenon entuziazmin: Mjaft më Neymar, Neymar, Neymar…, së pari duhet të shërohet appeared first on Telesport.
