Champions League hyn në fazën vendimtare dhe kampioni në fuqi, PSG, do të përballet në gjysmëfinale me Bayern Munich (ndeshjet më 28 prill dhe 6 maj). Një përballje që shumë e konsiderojnë si “finale e parakohshme”. Bayerni vjen pas eliminimit spektakolar të Real Madridit me rezultat të përgjithshëm 4-3, pas 2-1 në ndeshjen e parë.
Një sukses që konfirmon forcën e gjermanëve, por nuk ul ambiciet e PSG-së, që kaloi bindshëm Liverpool-in me 4-0 në total. Sipas superkompjuterit të Opta-s, favorit mbetet Bayerni: 61.28% shanse për të shkuar në finale kundrejt 38.72% të PSG-së. Në gjysmëfinalen tjetër, Arsenali konsiderohet edhe më favorit: 73.40% mundësi për të kaluar përballë Atletico Madridit (26.60%).
Një shifër që surprizon, duke parë rrugëtimin solid të “rojiblancos” dhe eliminimin e Barcelonës prej tyre. Megjithatë, në Champions, statistikat tregojnë vetëm një pjesë të historisë; diferencën e bëjnë detajet, eksperienca dhe menaxhimi i presionit në momentet vendimtare.
The post Kush do të shkojë në finalen e Champions-it? Ja dy skuadrat favorite sipas superkompjuterit të Opta-s appeared first on Telesport.
