Në Washington të premten është zhvilluar një takim ndërmjet zyrtarit të lartë të Departamentit të Shtetit, Brendan Hanrahan dhe emisarit të Bashkimit Evropian për dialogun Kosovë–Serbi, Peter Sorensen.
Takimi u mbajt në DASH, rreth orës 11:15 sipas kohës lokale, dhe ishte i mbyllur për media.
Në njoftimin e agjendës ditore të DASH-it thuhet se Hanrahan, në cilësinë e zyrtarit të lartë të Byrosë, priti në takim përfaqësuesin special të Bashkimit Evropian për dialogun Beograd–Prishtinë, pa dhënë detaje shtesë mbi temat e diskutuara.
Vizita në Shtetet e Bashkuara e Sorensenit pason dakordimin e fundit me Qeverinë e Kosovës, të udhëhequr nga Albin Kurti, lidhur me Ligjin për të Huajt.
Hanrahani qe takuar edhe me Kurtin edhe me presidenten Vjosa Osmani gjatë vitit 2025.
