Këngëtari i njohur, Blero, ishte së fundmi i ftuar në emisionin e pasdites “Rudina” në Tv Klan, ku përjetoi një moment të veçantë dhe emocionues gjatë intervistës.
Gjatë emisionit, ai u surprizua nga partnerja e tij, e cila kishte përgatitur një mesazh të veçantë për të.
Për herë të parë që nga fillimi i lidhjes së tyre, bashkëshortja e tij, Eronita, vendosi të dalë publikisht.
Edhe pse deri më tani ka preferuar të qëndrojë larg vëmendjes së medieve, këtë herë ajo bëri një përjashtim duke u shfaqur përmes një videomesazhi në emision, për t’i shprehur Bleros dashurinë dhe mirënjohjen e saj para publikut.
Në mesazhin e saj emocionues, Eronita u shpreh tejet falënderuese për gjithçka që Blero bën për të.
Ajo theksoi se ndihet jashtëzakonisht krenare jo vetëm për sukseset që ai ka arritur në karrierë ndër vite, por edhe për vlerat dhe karakterin që ai ka si njeri.
Në fjalët e saj nuk mungoi edhe një kujtesë e ëmbël dashurie. Eronita u shpreh se shpesh rutina dhe angazhimet e shumta të përditshmërisë bëjnë që njerëzit të harrojnë t’u kujtojnë personave të dashur gjërat më të rëndësishme, ndaj ajo ndjeu nevojën ta thoshte publikisht se e do shumë.
Edhe pse vetëm përmes një videoje, kjo paraqitje shënoi daljen e parë të Eronitës në një emision televiziv, duke i dhuruar Bleros dhe publikut një moment të veçantë dhe mjaft romantik. /Telegrafi/
