Trajneri i Chelsea, Liam Rosenior, tha se nuk po mendon për lojtarët e tij të lodhur përpara takimit të sotëm në Champions League kundër PSG. Ndeshja në “Parc des Princes” është një përsëritje e finales së Kupës së Botës për Klube të korrikut, të cilën “blues” e fituan 3-0.
Duke kujtuar finalen e Kupës së Botës, për klube, ai tha: “Ajo ishte një ndeshje e shkëlqyer. Dy ekipe fantastike, një performancë fantastike nga djemtë, por nuk ka shumë rëndësi tani. Tani është një përballje tjetër“.
Chelsea dukej dukshëm e lodhur gjatë javëve të para të sezonit dhe ka pasur një përpjekje të qëllimshme brenda vendit për të menaxhuar me kujdes minutat e luajtura nga lojtarë të caktuar, veçanërisht ata që janë rikuperuar së fundmi nga lëndimi. Rosenior ka bërë shumë rotacione në disa raste këtë sezon.
“Gjatë kohës sime jam përpjekur të menaxhoj minutat, ngarkesën e stërvitjes, intensitetin me të cilin stërvitemi. I gjithë stafi ka dhënë kontributin e tij. Ideja është që në këto momente të ndeshjeve të rëndësishme të jemi sa më të fortë të jetë e mundur”, tha Rosenior.
Trajneri i Chelsea, duke folur më tej për rivalët, komentoi: “Ata janë lojtarë të klasit botëror. Do të ishte çmenduri të thoja të kundërtën. PSG ka lojtarë të klasit botëror dhe një menaxher të klasit botëror, por edhe ne kemi. Duhet të kujtojmë se është një përballje me dy ndeshje, kështu që duhet të kemi disiplinë”.
“Unë kam drejtuar në Francë deri në janar dhe aty pata një përvojë të jashtëzakonshme. Të kthehem aty kaq shpejt, nuk e prisja, ndaj dua të krijoj më shumë kujtime të mira. Dua ta shijoj këtë moment, por për ta bërë këtë, duhet ta fitojmë ndeshjen“, tha Rosenior.
The post Rosenior: Lodhja nuk do të jetë justifikim për Chelsea, jemi një ekip me kampionë ashtu si PSG appeared first on Telesport.
