Valverde, Tchouaméni, Huijsen dhe Camavinga. Me këtë “mur”, vetëm me një mbrojtës të pastër dhe tre mesfushorë, luajti Real Madrid gjithë pjesën e dytë ndaj Rayo, pas tërheqjes së Asencio në pushim. Duhej të hynte Alaba, por zëvendësoi Huijsen dhe situata mbrojtëse dramatike mbeti e njëjtë.
Mbrojtja e Real Madridit arriti kulmin e krizës së saj të dielën, pas një serie problemesh fizike që shkatërruan përpjekjet e klubit për ta forcuar këtë linjë verën e kaluar. Perez bleu Trent, Huijsen dhe Carreras, duke pasur 10 mbrojtës në skuadër: 2 të djathtë (Trent dhe Carvajal), 3 të majtë (Carreras, Mendy, Fran García) dhe 5 qendrorë (Militao, Rüdiger, Huijsen, Asencio, Alaba). Por, brenda pak javësh, u shfaqën “vrima” njëra pas tjetrës.
Mendy e filloi sezonin duke u rikuperuar, ndërsa shtatori solli lëndime të rënda për Rüdiger, Trent dhe Carvajal. Huijsen dhe Alaba u dëmtuan përsëri, Militao pësoi një lëndim të rëndë, Asencio luan me një frakturë të tibias, duke rrezikuar sezonin. Fran García ka pak minuta, vetëm Carreras qëndron i shëndetshëm, por surprizueshëm nuk luajti ndaj Rayo.
Me tregun e mbyllur dhe sezonin në fazën vendimtare, Carvajal, Rüdiger dhe Alaba janë të pasigurt, Trent është mbi 100 ditë jashtë, Mendy vazhdon problemet kronike, Militao mungon për vazhdimësi dhe Huijsen kritikohet nga tifozët. Situata mbrojtëse e Real Madridit është alarmante, kjo lloj “frakture” e lë skuadrën pa mbrojtje.
The post Radiografia e një “frakture”, situatë kritike në prapavijën e Real Madridit appeared first on Telesport.
