Java e 23-të e Serie A mbyllet në “Dall’Ara” me Bologna–Milan. Kuqezinjtë duhet t’i përgjigjen Interit, aktualisht +8 pikë pas fitores 2-0 në Cremona, por për Allegrin ka edhe një shans të madh: të shkojë në +7 pikë ndaj Romës së vendit të pestë, e mundur në Udine, duke forcuar zonën “Champions”. Nga ana tjetër, Italiano synon rikthimin te fitorja pas dy humbjeve radhazi dhe afrimin në -8 pikë me Comon e vendit të gjashtë.
Fitoret e Interit dhe Juventusit shtojnë presionin mbi Milanin, por humbja e Romës hap një mundësi të artë. Fitorja në Bologna do ta çonte Milanin në +7 pikë nga vendi i pestë, duke e afruar ndjeshëm kthimin në Champions. Aktualisht, Milani është -8 pikë nga Interi, +1 nga Napoli dhe +2 nga Juventusi.
Bologna, pas dy humbjeve, duhet t’i përgjigjet Lazios dhe Udineses. Me fitore do të shkonte në 33 pikë (vendi i tetë), duke u afruar me Atalantën dhe Comon. Pas 3-0 ndaj Maccabi Tel Aviv, trajneri Italiano shpreson në një tjetër duel si finalja e Kupës (1-0), ndërsa në kampionat ndeshja e parë përfundoi 1-0 për Milanin.
Formacionet e mundshme: Allegri (3-5-1-1) pa Saelemaekers dhe Pulisic; Athekame djathtas, Nkunku në vend të amerikanit; më shumë Loftus-Cheek se Leao. Italiano pa Lucumì dhe De Silvestri; i grumbulluar João Mario (huazim nga Juventusi).
The post Ul siparin e 23-ta e Serie A / Milani drejt Bologna për të shmangur “arratisjen” e Interit appeared first on Telesport.
