Muaji që lamë pas ka qenë i mbushur me emocione të mëdha për çiftin e njohur të këngëtarëve, Drilon Jahdauti dhe Beslira Xhafaj.
Dyshja ka ndarë me ndjekësit lajmin e bukur se do të bëhen prindër të një djali për herë të parë.
Ndërsa tani, përmes një postimi në InstaStory, Beslira ka treguar se kanë nisur zyrtarisht blerjet për bebin.
“Veshjet e para për dashurinë time më të madhe”, ka shkruar ajo, duke lënë të kuptohet se mezi po presin momentin e takimit me djalin e tyre.
Ky fëmijë, që pritet të vijë në jetë së shpejti, do të jetë i pari për dyshen e njohur të ekranit.
Driloni dhe Beslira po e shijojnë në maksimum këtë fazë të pritjes së ëmbël, duke u siguruar që çdo detaj në dhomën dhe garderobën e djalit të jetë gati për momentin kur familja e tyre do të plotësohet.
