Pas fitores ndaj Napoli dhe kualifikimit në raundin tjetër të Champions League, ekipi i Chelsea rikthehet të shtunën në fushë në ndeshjen ndaj West ham në Premier League. Një përballje delikate për “blues”, që synojnë të qëndrojnë mes më të mirëve.
Trajneri Chelsea, Liam Rosenior, duke folur për skuadrën e tij komentoi: “Po mësoj gjatë gjithë kohës rreth ekipit tim, çfarë jemi të aftë të bëjmë, çfarë duhet të përmirësoj dhe të përshtatem për ta. Kjo është shumë e rëndësishme për t’u zhvilluar”.
“Kam lojtarë të shkëlqyer. Kam një grup dhe u besoj atyre dhe zëvendësuesit janë gjithmonë lojtarët që bëjnë diferencën në ndeshjet e mëdha. Është shumë e rëndësishme për ne që të jemi në gjendje të punojmë me të gjithë lojtarët në seancat stërvitore”, tha trajneri i Chelsea.
“Të punojmë me lojtarët në fushën e stërvitjes që ata të kuptojnë se çfarë duam të bëjmë si staf me ta. Duhet t’i shijosh këto momente, por ne duam më shumë. Na presin disa ndeshje të mëdha, duke filluar me West Ham të shtunën”, tha Rosenior.
The post Rosenior: Kam një ekip të shkëlqyer, po mësoj dita-ditës gjëra të reja rreth ekipit tim appeared first on Telesport.
