Gary Lineker, ish-lojtari i Barcelonës dhe analist i njohur në Angli, deklaroi në podcastin “Rest is Football”: “E di që Julián Álvarez nuk është plotësisht i kënaqur me jetën tek Atlético Madridi”. Në mediat angleze është përfolur mundësia që sulmuesi i mëparshëm i Manchester City të kthehet në Premier League.
Lineker shtoi, duke vlerësuar adaptimin e tij në një skuadër të nivelit të lartë: “Julián Álvarez është lojtari që di t’i përballojë momentet e mëdha, është kampion bote … Një lojtar i tillë tek Arsenali do të ishte vendimtar për ndeshjen”.
Sulmuesi argjentinas, 25 vjeç, ka kontratë me Atlético Madridin deri më 2030. Këtë sezon ka shënuar 11 gola dhe ka dhënë 5 asistime në 29 ndeshje, statistika më të ulëta se sezonin e kaluar. Ai nuk ka shënuar në 10 ndeshjet e fundit të La Liga-s; goli i fundit ishte më 9 dhjetor kundër PSV Eindhoven.
The post Lineker: E di që Julián Álvarez nuk është plotësisht i kënaqur tek Atlético Madridi appeared first on Telesport.
