Huazimi i Alex Jimenez te Bournemouth po shkon shumë mirë dhe klubi anglez mund të ushtrojë të drejtën e blerjes përfundimtare të kartonit të anësorit spanjoll në fund të këtij sezoni, për shifrën 22 milionë euro, sipas asaj që zbulon Fabrizio Romano në kanalin e tij në Youtube.
Ky transferim është me interes të veçantë për Real Madridin. Klubi madrilen mbajti 50% të çdo shitjeje të ardhshme kur lejoi largimin e lojtarit drejt Milan dhe në bazë të marrëveshjes mes tyre, të dy klubet mund të përfitojnë nga 11 milionë euro në këtë rast.
Madje, Real Madrid nuk ka nevojë të përfshihet drejtpërdrejt në negociata, pasi kjo është mes Milanit dhe Bournemouth. Zyrtarizimi i marrëveshjes mund të vijë para fundit të sezonit aktual. Jimenez mund të mbulojë të dy krahët e mbrojtjes, por mund të luaj edhe në mesfushë. Duke parë moshën e tij të re dhe eksperiencën që ka krijuar deri tani, është një lojtar ndaj të cilit ka pritshmëri të mëdha.
The post 20-vjeçari po bind në Premier League, Real Madrid dhe Milan gati të përfitojnë nga 11 milionë euro appeared first on Telesport.
