Merkato e janarit po i afrohet fundit, por trajneri i Liverpool, Arne Slot, nuk pret surpriza të mëdha. Holandezi, në prag të ndeshjes që “reds” do të luajnë ndaj Bournemouth në Premier League, tha se pret të qëndrojë me skuadrën aktuale deri në fund.
“Kjo është ajo që pres nga merkato e janarit. Por, siç them gjithmonë, nëse ka një mundësi në treg dhe mendojmë se mund ta forcojmë skuadrën, atëherë ky klub do të përpiqet gjithmonë ta bëjë këtë”, tha Slot.
“Por, në këtë moment, pres që të mbetet kryesisht e njëjta skuadër deri në fund të sezonit”, shtoi Slot, që foli edhe për mbrojtjen, e cila sipas tij ka fituar më shumë besueshmëri në takimet e fundit.
“Në 13 ndeshjet e fundit jemi të pamposhtur, ndoshta vetëm në ndeshjen kundër Brighton ku pësuam më shumë se 1 gol kemi vuajtur disi. Kjo tregon se mezi kemi pranuar një shans në asnjë nga ndeshjet që kemi luajtur”, shtoi Slot.
“Kundër Marsejës, ata patën dy ose tre shanse të mira. Por nuk vazhdon gjatë gjithë sezonit që skuadra tjetër të ketë një shans dhe ai të kthehet në gol. E dimë që kemi një nga portierët më të mirë në botë. Duke e ditur këtë, e dimë që nuk mund të vazhdonim të pësonim gola”, përfundoi trajneri i Liverpool.
The post “Tani jemi më solidë në mbrojtje, nuk pres përforcime të tjera në merkaton e janarit” appeared first on Telesport.
