Dominik Szoboszlai shënoi gol në fitoren bindëse 3–0 të Liverpool-it ndaj Marseille, por pas ndeshjes mori edhe disa këshilla të vlefshme. Legjenda e klubit, Steven Gerrard, e ftoi mesfushorin hungarez të qëndrojë me këmbë në tokë, ndërsa pritshmëritë ndaj tij po rriten në “Anfield”.
Gerrard tha: “Nëse qëndron i përulur dhe vazhdon të punojë në lojën e tij, nëse dëshiron të zhvillohet, të rritet dhe të përmirësohet, sepse nuk ndalon kurrë, pavarësisht moshës, gjithmonë mund të bëhet më i mirë. Nëse qëndron i përulur dhe punon në mënyrën e duhur, mund të arrijë një nivel tjetër.
Talenti është aty dhe mendoj se do të ketë njerëzit e duhur rreth tij për të vazhduar dhe për t’u bërë mesfushor edhe më i mirë. Duhet të qëndrosh pak më i përulur, sepse javët e fundit ka pasur pak ego, me thembrën pranë portës dhe goditjen e penalltisë”.
Ai shtoi: “Mendoj se ka nivel botëror si mesfushor. E ka treguar këtë në disa ndeshje këtë sezon, kjo është forma më konstante e tij që kam parë. Më pëlqen ta shoh, plot energji dhe shumë i mirë pa top. Do të ishte për të ardhur keq nëse nuk e shtyn veten drejt nivelit tjetër”.
The post Steven Gerrard këshillon Szoboszlai: Duhet të qëndrosh pak më i përulur appeared first on Telesport.
