Barcelona fitoi trofeun e parë të vitit 2026, duke mposhtur Real Madrid 3-2 në finalen e Superkupës së Spanjës. Presidenti i klubit “blaugrana”, Joan Laporta, nuk mundi ta përmbante lumturinë e tij për këtë triumph.
“Jam shumë i lumtur për të gjithë tifozët e Barcelonës. Ne kemi një ekip që luan futboll spektakolar dhe jep performanca si dje. Ata janë gjithashtu shumë bujarë dhe e vlerësojnë kontributin tonë. Ne themi se jemi si një familje e madhe, dhe kjo është e vërtetë“, tha Laporta.
Pastaj, ai vlerësoi trajnerin Hansi Flick, i cili ka fituar të nëntë finalet e karrierës së tij deri më tani: “Ai po bën shumë mirë. Do të donim ta rijetonim këtë sezon aq sa vitin e kaluar. Madje edhe ta tejkalonim atë. Për momentin, kemi filluar me Superkupën.”
“Nuk ka favorit në një finale Barça-Real Madrid edhe pse ishim në formë më të mirë. Ne filluam shumë mirë, duke shënuar, por brenda dy ose tre minutash ata barazuan dhe na i vështirësuan gjërat. Ne e kapërcyem edhe këtë“, tha Laporta.
Së fundmi, një koment për Raphinha: “Ai shënoi dy gola, mund të kishte shënuar edhe një tjetër. Ai dikton intensitetin, ritmin, por është një përpjekje ekipore. Ne kemi një ekip shumë të bashkuar. Ata luajnë me frymë ekipore”.
The post Laporta ngre në qiell skuadrën dhe trajnerin: Ata po luajnë një futboll spektakolar appeared first on Telesport.
