Piotr Zielinski e nisi me gol vitin 2026, duke shënuar në fitoren 3-1 të Inter ndaj Bologna dhe konfirmuar sezonin e tij të shkëlqyer me fanellën zikaltër. “Ne u përgatitëm shumë mirë për ndeshjen dhe më pas, në fushë, i përmbaheshim asaj që stërvitëm gjatë javës”, tha polaku.
“Nuk ishte e lehtë pasi Bolonja shpesh na vinte në vështirësi. Por jemi të lumtur me tre pikët dhe bëmë një ndeshje të shkëlqyer. Personalisht jam mirë fizikisht, pa dhimbje dhe jam i lumtur. Trajneri më ka dhënë besim, liri dhe dëshirën për t’u argëtuar duke treguar aftësitë e mia”, shtoi Zielenski.
“Gjithmonë duhet të përmirësohem duke mbështetur ekipin. Preferoj të luaj në mesfushë, por kohët e fundit Chivu më ka përdorur si një organizator dhe jam i lumtur me këtë. Kur ai ka nevojë për mua në atë rol unë gjithmonë do të jem gati të kontribuoj”, deklaroi mesfushori polak.
Në fund, ai vlerësoi trajnerin: “Chivu na jep liri në lojën tonë, ndërsa mesfushorët, kur tërhiqen, duan të krijojnë hapësirë në mesfushë për të kaluar topin ose për t’u lejuar sulmuesve të kalojnë. Ka cilësi dhe liri, ekipi po punon mirë“.
The post Zielinski protagonist me Inter vlerëson trajnerin Chivu: Jam i lumtur me të, më jep besim dhe liri appeared first on Telesport.
