Zëri i ulët, pothuajse i humbur. Luciano Spalletti u largua nga “Arena Garibaldi” thuajse i ngjirur, pas britmave për ta zgjuar Juventusin e tij. Skena kulmore ndodhi në pushim, kur trajneri rriti tonet për të karikuar skuadrën pas një pjese të parë të gjykuar zhgënjyese në disa aspekte, duke shkaktuar një reagim si ai i parë në Champions kundër Pafos.
Në pushimin e Pisa–Juve, fjalimi i Spallettit ishte i prerë: “Nivel i papranueshëm”. Këtë herë problemi nuk ishte frika, por mungesa e përqendrimit. Përballë një skuadre në heshtje, ai shpërtheu: “Zgjohuni, ky nuk mund të jetë niveli! Jeni nën standardin tuaj”. Pastaj preku krenarinë e grupit: “Jeni Juventusi, tregojeni”.
Ishte një thirrje për identitet dhe përgjegjësi, e nevojshme për të shmangur gabimet. Qortimi funksionoi. Në pjesën e dytë, Juve ndryshoi fytyrë, por zëri i Spallettit “mbeti” në dhomat e zhveshjes së stadiumit të Pizës.
The post “Zgjohuni, jeni Juventusi!” Tërbimi i Spallettit në dhomat e zhveshjes, ja prapaskena appeared first on Telesport.
