Atletico Madrid e ka mbyllur vitin 2025 me fitore në La Liga. “Colchoneros” fituan në transfertë 0-3 ndaj Girona, ndeshje e vlefshme për javën e 17-të. Serinë e golave e çeli Kokë, mesfushori shënoi me një goditje të fuqishme me të djathtën nga distanca, në minutën e 13-të.
Nico Gonzalez dëmtohet dhe lë fushën në minutën e 28-të, në vend të tij futet Conor Gallagher. Ishte pikërisht anglezi që shënoi golin e dytë, vetëm pak minuta pas ishte futur në fushë. Callagher shënoi me një goditje nga kufijtë e zonës së rreptësisë, e cila pasi u devijua nga kundërshtari, përfundoi në rrjetë. Pjesa e parë mbyllet 0-2 për Atletico Madridin.
Në pjesën e dytë, në minutat shtesë, ishte Antoine Griezmann që shënoi golin e tretë pas një kombinimi të bukur me Giacomo Raspadori. Pas kësaj fitoreje, Atletico Madrid mban vendin e 3-të me 37 pikë. Girona renditet në vendin e 18-të me 15 pikë.
The post Atletico Madrid e mbyll vitin me fitore bindëse, Koke shtang portierin me supergolin e tij (video) appeared first on Telesport.
