Ernest Muçi duket se ka lënë pas momentin jo të mirë dhe tani është në një formë fantastike. Pas dy golave të shënuar në javën e kaluar në fitoren dramatike 3-4 në transfertë ndaj Basakhesir, sulmuesi kuqezi e nisi sot si titullar në ndeshjen e Trabzonspor ndaj Konyaspor.
Në minutën e 42-të, Muçi fiton penallti, pasi u pengua nga portieri i miqve. Paul Onuachu tregohet i saktë nga 11-metrat dhe barazon shifrat 1-1, me këtë rezultat u mbyll pjesa e parë. SHIKOPENALLTINEFITUARNGAMUCI
Në pjesën e dytë, Trabzonspor shënoi dy gola të shpejtë në minutat 50′ dhe 56′. Fillimisht, Paul Onuachu shënoi golin e dytë personal dhe pak minuta më pas ishte radha e Muçit për të shënuar direkt nga goditja e dënimit, edhe spe nuk ishte në një pozicion aspak të favorshëm. Një ekzekutim perfekt i sulmuesit kuqezi, që shkon në kuotën e 3 golave deri tani me fanellën e Trabzonspor. SHIKOGOLIMUCIT
Ndërkohë, tifozë të shumtë te Besiktas kanë kërkuar nga drejtuesit e klubit të prishin huazimin e Muçi në janar dhe ta rikthejnë atë në ekip. Ernest Muçi është huazuar deri në fund të sezonit te Trabzonspor, që ka të drejtën për ta blerë përfundimisht atë për shifrën e 10 milionë eurove.
The post Ernest Muçi, a je normal? Sulmuesi kuqezi “çmend” Turqinë me SUPERGOLIN tij (video) appeared first on Telesport.
