Ishte tema kryesore e gjithë javës: a do të luante Neymar kundër Sport Recife apo jo? Sulmuesi i Santosit, i cili po përballej me një dëmtim delikat të meniskut, dukej se nuk lunate dot deri në fund të sezonit, por befasisht vendosi të zbresë në fushë. Dhe e bëri si protagonist absolut, duke shënuar një gol dhe dhënë asist në fitoren e “Peixe”. Në mikrofonat e “Globoesporte”, braziliani shpjegoi vendimin e tij, duke theksuar se nuk ka injoruar udhëzimet e stafit mjekësor, megjithëse pranoi se nuk ishte në gjendjen më të mirë.
“Në të vërtetë, nuk shkon gjithçka mirë, unë dhe mjekët e dimë se cila është situata. Nuk do ta rrezikoja kurrë karrierën time, bëj atë që është më e mira për mua, – deklaroi me ton të tensionuar, duke u ankuar për shumë “shpikje” që kanë qarkulluar ditët e fundit. – Jam shumë i trishtuar dhe i shqetësuar. Asnjë qenie njerëzore nuk e meriton të dëgjojë absurditete të tilla. Janë gjëra që dëmtojnë, me të vërtetë”.
Neymar gjithashtu theksoi se vendimi përfundimtar u mor në bashkëpunim me mjekët e klubit: “Nuk kam anashkaluar askënd. Ishte një vendim i brendshëm, i marrë së bashku. Në fund, isha unë personi që duhej të thoshte po ose jo”.
The post Shpë*then Neymar: Asnjë qenie njerëzore nuk i meriton këto gjëra, më keni bërë shumë dëm appeared first on Telesport.
