Pas një sezoni të kaluar me ulje-ngritje, shumë dyshonin për statusin e Mike Maignan te Milani. Disa mendonin se forma e tij po binte, të tjerë se mund të ishte një “sakrificë” merkatoje. Rinovimi me shifra të një top-lojtari dukej pothuajse i pamundur. Megjithatë, nisja e shkëlqyer e sezonit, veçanërisht performanca në derbin e fituar ndaj Interit, e ka ndryshuar situatën.
Massimiliano Allegri shpjegoi: “Mike ka qenë gjithmonë një nga portierët më të fortë në botë, kështu që nuk më çudit forma e tij. Për kontratën nuk flas, kjo është punë e klubit, që po përgatit një të ardhme të sigurt për skuadrën. Unë flas me Mike për gjëra të fushës, po ashtu edhe trajneri i tij Filippi. Sidoqoftë, jam i kënaqur, e shoh të qetë dhe po konfirmon cilësitë e tij”.
Rinovimi ende nuk ka marrë miratim vendimtar, por momenti duket për të nxituar. Milani mund ta përmirësojë ofertën, ndërsa portieri po vlerëson opsionet, edhe nga Premier League. Vendimi mund të merret deri në fund të vitit.
The post Maignan rikthehet “Magic” dhe jep sinjale, momenti për ta nxitur rinovimin appeared first on Telesport.
