Joan Laporta analizoi aktualitetin e Barcelonës dhe lëshoi, sidomos, kritika të forta ndaj Real Madridit dhe Florentino Pérez. Ai deklaroi se arbitrat favorizojnë ekipin e Xabi Alonsos dhe shtoi se “Los Blancos” duan ta largojnë Tebas nga drejtimi i La Liga-s: “Më kujtohen deklaratat në asamblenë e Real Madridit, të cilat nuk pata rast t’i komentoj. Mendoj se janë jashtë realitetit, tregojnë obsesionin barcelonist që kanë në Madrid.
Dukej sikur duhet të flisnin për Barçën për të justifikuar nuk e di çfarë. Janë të pranishëm në çdo moment në procesin gjyqësor të ‘Çështjes Negreira’, të cilin po e zgjasin si çamçakëz sepse e dinë se nuk ka asgjë, por është një mënyrë për të justifikuar diçka që s’është e vërtetë: Barça nuk ka blerë kurrë një arbitër dhe përgjithësisht arbitrat nuk na favorizojnë. Ata kanë favorizuar gjithë jetën Real Madridin.
Pa shkuar më larg, javën e kaluar shënuan dy gola që, sipas mendimit tim, nuk ishin. Qartësisht Bellingham e prek topin me krah dhe kjo e ndihmon në shënimin e golit, te tjetri Vinicius i thyen hundën Iñak. Ato dy gola nuk duhej të ishin pranuar dhe sot Barça do të kryesonte La Liga-n. Televizioni i Real Madridit po përpiqet të influencojë arbitrat çdo javë. Ata kanë një mani përndjekëse kundër periudhës më të mirë të historisë së Barçës. Nuk iu pëlqeu që Barça ishte referencë botërore nga 2004 deri më 2015.
Asokohe, Barça ishte hegjemone, ndaj po kërkojnë justifikime që nuk i çojnë askund. Ishte një epokë e mrekullueshme. Ne ishim ekipi që luante më bukur, i njohur, i admiruar dhe i vlerësuar për atë që jepnim, i njohur për atë që bënim dhe i admiruar për mënyrën se si e bënim. Fitonim shumë tituj dhe loja e Barçës i mahniste të gjithë. U admiruam në mbarë botën, ndaj të mos kërkojnë justifikime. Barça fitoi me meritën e vet, ata duan të justifikohen.
Nëse janë të fiksuar te barcelonizmi, unë jam i lumtur, sepse zakonisht këto janë periudha kur Barça ka sukses dhe triumfon. Nëse flasin për Barçën, është për të shpërqendruar vëmendjen nga histori të tjera që nuk po iu ecin mirë. Ndoshta kanë panik sepse Barça po ringrihet dhe mund të kemi një periudhë të re shkëlqimi që ata duan ta minimizojnë ose njollosin, por ne nuk do ta lejojmë. Nuk do të lejojmë ta sulmojnë Barçën me këtë pandëshkueshmëri”.
The post Laporta shpë*then ndaj Real Madridit dhe Perezit: Vuajnë nga obsesioni barcelonist appeared first on Telesport.
