Cristiano Ronaldo ka treguar se dy fëmijët e tij e frymëzuan të bënte një propozim “jo shumë romantik” dhe të paplanifikuar fejese për Georgina Rodriguez, pas rreth 9 vitesh bashkë. Modelja argjentino-spanjolle ndau lajmin në Instagram, me unazën e shkëlqyer, duke shkruar: “Po, dua. Në këtë dhe në të gjitha jetët e mia”.
Ronaldo, që pranon se nuk është “një njeri shumë romantik”, rrëfeu për Piers Morgan: “Ndodhi rreth orës 1 pas mesnate. Vajzat e mia po flinin. Njëri prej shokëve ma dha unazën dhe ndërsa po ia jepja Georginës, vajzat e mia ndërhynë dhe thanë: ‘Babi, do t’ia japësh unazën mamit dhe do ta pyesësh të martohemi…’ E kuptova që ishte momenti i duhur. Nuk e kisha planifikuar atë natë, por ndjeva që ishte momenti i saktë”.
Ai shtoi: “Nuk u përkula në gjunjë sepse nuk isha gati, por ishte një moment i bukur. Mbajta një fjalim të thjeshtë. Nuk jam tipi që i dërgoj lule çdo javë, por jam romantik në mënyrën time. E dija që ishte gruaja e jetës sime dhe e bëra”.
I pyetur për dasmën, Ronaldo tha me shaka: “Jo ende, do ta bëjmë pas Botërorit, uroj me trofeun në dorë. Ajo nuk e do këtë lloj feste, preferon gjëra private”. Ekspertët vlerësuan se unaza e fejesës kushtoi rreth 1.5 milion £, me diamant 15-20 karatësh, i vendosur në platin për siguri dhe efekt të përjetshëm.
The post Ronaldo zbulon kush e bindi të fejohej me Georgina Rodriguez, ja planet për martesë appeared first on Telesport.
