Florian Wirtz ka shkëlqyer në ndeshjen e fundit dhe e zhvendos presionin mbi Salah. Në fitoren 5-1 ndaj Eintracht Frankfurt, ku “Reds” i ndërprenë 4 humbje radhazi, Wirtz spikati me dy asiste për Gakpo dhe Szoboszlai, si dhe ndikim konstant në lojën sulmuese.
I vendosur nga Arne Slot në krahun e djathtë, zakonisht i Salah, gjermani lëvizi lirshëm drejt qendrës, orkestroi posedimin, i dha fluiditet manovrës ofensive. Pavarësisht një gabimi që solli golin 1-0 të gjermanëve, ai reagoi me karakter dhe cilësi. “Liverpool Echo” i vendosi notën 9/10, ndërsa “The Athletic” lavdëroi vendimin e trajnerit për ta lënë Salah në stol, i cili po kalon krizë forme (vetëm 3 gola dhe 3 asiste në 12 ndeshje).
Pas ndeshjes, Wirtz tha: “E di se mund të jap më shumë, por jam i lumtur që e ndihmova ekipin”. Vetëm 20 vjeç, por me maturi surprizuese, gjermani duket gati për të qenë lideri teknik i ardhshëm i Liverpool-it, edhe pse t’ia marrë stafetën Salah nuk do të jetë e lehtë.
The post Wirtz “bëhet i gjallë”, e zhvendos presionin mbi Salah. Rivalitet i ashpër për krahun e djathtë appeared first on Telesport.
