Ministri në detyrë i Administrimit të Pushtetit Lokal, Elbert Krasniqi, në një intervistë të dhënë për RTK-në, foli për formimin e institucioneve të reja, ndryshimet administrative në veri të vendit, si dhe për Listën Serbe, duke e cilësuar se nuk e përfaqësonte këtë komunitet si parti.
“Kjo ishte Lista politike e Radoiçiqit, jo serbe, kështu që nuk mund të pritej asgjë nga ta,” deklaroi Krasniqi.
“Grupi ynë, që përbëhej nga 8 deputetë, në vazhdimësi ishte prezent dhe votonte pro në Kuvend për zgjedhjen e kryetarit… Komunitet në Kosovë, tetëshja e grupit tonë multi-etnik ishte në mbështetje të proceseve demokratike,” shtoi ai për transmetuesin publik.
Ai tha edhe se formimi i Bordit të Mitrovicës do të garantojë bashkëpunim ndërmjet dy pjesëve, veriut dhe jugut, si një funksionim i mirëfilltë. Krasniqi përmendi edhe ndërtimin e dy urave të reja.
“Situata në këto katër komuna ishte ndryshe, duke u nisur nga fakti që kishte edhe të punësuar serbë lokalë dhe kjo ishte një mundësi e mirë për qytetarët e nënvlerësuar atje, të papërfaqësuar, që të punësoheshin në institucione shtetërore,” theksoi ai, duke iu referuar shpresës që kishte për përgjigje më pozitive të votuesve, sipas tij, në zgjedhjet e ardhshme lokale në tetor të atij viti.
“MAPL ndërtoi mbi 102 shtëpi në veri dhe mbi 50 shtëpi në pjesën tjetër të Kosovës për komunitetet jo-serbe dhe jo-shqiptare, kryesisht grupe të margjinalizuara. E veçanta ishte ndërtimi i shtëpive pas shumë vitesh në pjesën veriore,” përfundoi ai./rtk
The post Krasniqi: Lista Serbe është e Radojçiqit, jo e serbëve appeared first on Kosovapost.net.
