Ish-ushtari i UÇK-së dhe aktivisti shqiptar në Amerikë, Uk Lushi, ka reaguar pasi kryetarja e Gjykatës Speciale, Trendafilova, ka anuluar konferencën për media pas protestës së veteranëve të UÇK-së.
Sipas tij, trajtimi i veteranëve ndaj gjyqtares Trendafilova ishte i duhur sepse ajo dhe institucioni që përfaqëson ajo nuk i kanë trajtuar aspak mirë krerët e UÇK-së.
Lushi ka shtuar se organet e shtetit të Kosovës po të ishin në nivel të detyrës do të duhej ta hetonin dhe gjykonin personelin e Speciales duke i dënuar me burgime me dekada.
Postimi i plotë:
E sheh se Gjykata Speciale nuk sillet as si gjykatë e as si e Kosovës, por si instrument politik mbi Kosovën. Organet e shtetit të Kosovës po të ishin në nivel të detyrës do të duhej ta hetonin dhe gjykonin personelin e Speciales duke i dënuar me burgime me dekada, mirëpo ne nuk kemi shtet. Kemi iluzionin e shtetit, prandaj na nëpërkëmbë tylifar i huaji që as në familjet e tyre nuk ia rras kush. Prandaj duhet ende të veprojnë veteranët e UÇK-së.
