Deputeti i PDK-së Artan Behrami, ka numëruar disa nga arsyet se pse kryetari i partisë ka bërë mirë që e pranoi ftesën e Kurtit për takim.
Ai tha në një shkrim në Facebook tha se PDK gjithmonë ka pasur guxim që t’ua thotë pakënaqësitë kundërshtarëve në sy.
Postimi i plotë:
Kryetari i PDK-së, Memli Krasniqi bën mirë që shkon në takim. Qe disa arsyje:
1. PDK gjithmonë ka pasur guximin që pakënaqësitë t’ua thotë kundërshtarëve në sy
2. Pa dialog, ngërçi politik në të cilin kemi hyrë, nuk kalohet
3. Pa kompromise nga VV-ja, Kuvendi i Kosovës nuk konstituohet
4. Mosshkuarja në takim do ta thellonte krizën politike dhe përçarjen, si dhe do të krijonte përshtypjen e gabuar se opozita po e bllokon konstituimin e Kuvendit
5. Nëse Kurti këtë takim e ka projektuar si bllof politik, kjo do t’i hakmerret atij
6. PDK ka dëshmuar që në periudhat më kritike për vendin të jetë faktor përcaktues për tejkalimin e sfidave të brendshme
7. Shkuarja në takim nuk është tërheqje nga kërkesat tona, por vetëm një mundësi për t’i përforcuar ato.
