Analistja, Arta Tahiri- Beqa ka kritikuar deklarimin e kryeministrit Kurti për gjuhën e përdorur, ku tha se po e thërrasin “Albin baba, keni ndërmend me mi dhënë fëmijët e juaj që me ua rrit unë”.
Tahiri- Beqa e ka krahuar këtë term të Kurtit me ato të rrugës.
Sipas saj, një gjuhë e tillë nuk i ka hije një kryeministri.
“Termet më banale të rrugës janë babë, bir. Mosha e njëjtë rina i drejtohen me o bir, babë. Këndvështrimi im, gjuha e Kurtit jo profesionale jo të përdorën nga një kryeministër”, ka thënë ajo në Tëvë1.
Ajo duke komentuar edhe një deklaratë të Nezir Krakit i cili ishte i ftuar në emision, që kishte thënë se është “baba i analizave”, tha se atij më shumë do t’i shkonte anëtarësimi në Vetëvendosjes, se në Guxo.
Deklarata e Kurti e dhënë në një tubim në Hajvali, ngjalli reagime.
“E kam një farë përshtypje që pikërisht, për shkak se ne do të kujdesemi gjithnjë e më shumë për fëmijët, pikërisht se pse e keni ndërmend me mi dhënë fëmijët e juaj që me ua rrit unë, jeni duke më thënë ‘Albin Baba’”, u shpreh Kurti.
Ai deklaroi më tej se e pranon të ashtuquajturën sfidë, që të rrisë fëmijët e qytetarëve.
“Po unë e pranoj këtë sfidë, këtë sfidë që po ma bëni ju mua, ‘merrni ju Qeveria, kryeministri, rritni fëmijët tanë se e keni ndërmend me punu ma shumë, këtë sfidë unë e pranoj me shumë nder e gëzim. Veç sa më shumë, veç studioni sa më shumë, veç mësoni sa më shumë sepse Qeveria do të merret edhe me pleqtë, edhe më fëmijët e juaj”, deklaroi Kurti në këtë tubim.
