Enver Bajrami, redaktor në Radiotelevizionin e Kosovës është distancuar nga sulmet e transmetuesit publik ndaj Nacionales dhe Periskopit, duke cituar burime të një medium jokredibil boshnjak.
Ai në një reagim të publikaur rnë rrjete sociale, ka thënë se kundërshton secilën gjë joprofesionale.
Tutje, Bajrami është shprehur se ndjen keqardhje për situatën e krijuar mbrëmë.
“Sikurse kam qenë pjesë e protestave të vitit 2015 për një RTK të publikut, vazhdoj edhe sot të kundërshtoj çdo gjë joprofesionale.
Andaj, pa qenë fare përgjegjës për situatën e fundit të krijuar, ndjej keqardhje për situatën e krijuar mbrëmë dhe krejt çka mund të bëjë, është të vazhdoj të punoj me profesionalizëm brenda përgjegjësive të mija!
Unë distancohem me keqardhje.” – ka shkruar ai.
