Ministri i Administrimit të Pushtetit Lokal, Elbert Krasniqi i ka reaguar Bashkimit Evropian pasi nuk komentoi shkeljet që Serbia po ua bën marrëveshjeve me Kosovën.
Përmes një shkrimi në rrjetin social Twitter, Krasniqi ka thënë se BE-ja po preferon të mos hyjë në detaje dhe po përmbahet nga komentet.
Sipas tij, kur bëhet fjalë për Kosovën, BE-ja është specifike deri në komentimin e një vendimi të Qeverisë.
Në fund, ai ka pyetur “Pse?”:
“Kur Serbia shkel marrëveshjet në mënyrë të përsëritur, BE-ja preferon të mos hyjë në detaje dhe të përmbahet nga çdo koment i mëtejshëm. Por kur bëhet fjalë për Kosovën, ata mund të jenë po aq specifikë sa komentimi i një vendimi të qeverisë për shpronësimin e tokës, dhe që të vendosin gishtin. Pse?”
When Serbia repeatedly violates the agreements, EU prefers rather not to go into details & refrains itself from any further comments. But when Kosova is in question they can be as specific as commenting a govt decision on land expropriation, & forthcoming to point fingers. Why?
— elbertkrasniqi (@elbertkrasniqi) April 5, 2024
