Kryeari i Aleancës për Ardhmërinë e Kosovës, Ramush Haradinaj, ka reaguar pas aksionit të sotëm të Policisë së Kosovës në veri.
Haradinaj ka thënë se askush nuk ka të dretë në ngre dorë ndaj policit të Kosovës.
Ish kryeministri i Kosovës thotë se qeveria e ka për të detyre të sqarojë edhe opinionin publik dhe veten, për përzgjedhjen e momentit kohor për kryerjen e këtyre operacioneve.
Postimi i plotë i Haradinajt:
Askush nuk ka të drejtë të ngre dorë ndaj policit të Kosovës. Huliganët dhe banditët duhet të burgosën dhe shteti duhet të jetë i pakompromis ndaj tyre. Secili që sulmon policinë e Kosovës dhe e prish rendin publik, duhet ta marrë dënimin e merituar.
Ne duam të besojmë që aksionet e sotme, të kenë qenë pjesë e planit të rregullt operativ të policisë në ndjekje të krimit. Veç se qeveria e ka për detyrë ta sqarojë edhe opinionin publik edhe veten, për përzgjedhjen e momentit kohor për kryerjen e këtyre operacioneve.
Nëse është e mundshme duhet të hiqet çdo dilemë, se këto aksione mund të jenë kryer për efekte elektorale.
Në mbështetje të Policisë së Kosovës.
RH
