• NUMËRIM MBRAPSHT PËR RIVËNIEN ANËSORE (PESË SEKONDA). Nëse një lojtar vonon qëllimisht rifillimin e lojës, rivënia anësore mund t’i jepet ekipit kundërshtar.
• NUMËRIM MBRAPSHT PËR GODITJEN NGA PORTA (PESË SEKONDA). Zbatohet gjithashtu për përpjekjet e qëllimshme për të humbur kohë dhe mund të rezultojë me akordimin e një goditjeje këndi për kundërshtarin.
• ZËVENDËSIME ME KUFIZIM KOHOR (10 SEKONDA). Lojtarët që zëvendësohen kanë 10 sekonda kohë për të lënë fushën në pikën më të afërt. Nëse nuk e bëjnë këtë, zëvendësuesi nuk mund të hyjë në fushë për të paktën një minutë dhe skuadra duhet të vazhdojë lojën me 10 lojtarë.
• TRAJTIM JASHTË FUSHËS (NJË MINUTË). Lojtarët që marrin trajtim nga fizioterapisti duhet të qëndrojnë jashtë fushës për 60 sekonda. Ka disa përjashtime, përfshirë portierët, dëmtimet dhe rastet kur kundërshtari ndëshkohet me karton të verdhë ose të kuq.
• LOJTARËT QË MBULOJNË GOJËN. Çdo lojtar që mbulon gojën në një situatë konfrontuese me një kundërshtar mund të ndëshkohet me KARTON TË KUQ.
• GODITJET E KËNDIT MUND TË KONTROLLOHEN. VAR-i mund të verifikojë nëse një goditje këndi është akorduar saktë, por kjo duhet të bëhet shpejt dhe përpara rifillimit të lojës.
• KARTONËT E DYTË TË VERDHË MUND TË RISHIKOHEN. Lojtarët që përjashtohen nga loja pas dy kartonëve të verdhë mund ta kenë kartonin e dytë të kontrolluar, por nuk do të ketë rishikime për raste të mundshme të kartonit të dytë të verdhë.
The post ZYRTARE! Këto janë RREGULLAT E REJA, të konfirmuara për Kupën e Botës 2026 appeared first on Telesport.
