Borussia Dortmund ka njoftuar nënshkrimin e Jobe Bellingham dhe fjalët e drejtorit sportiv Sebastian Kehl nuk lënë asnjë dyshim për entuziazmin për transferimin e ri.
“E njohim Jobe-n prej shumë vitesh dhe natyrisht e kemi ndjekur nga afër zhvillimin e tij. Vitin e kaluar ai bëri një hap të madh përpara dhe, vetëm në moshën 19 vjeç, është pjekur në një figurë të vërtetë udhëheqëse. Prania dhe karizma e tij në mesfushë janë të jashtëzakonshme dhe do të na bëjnë më të mirë në skema të ndryshme lojërash.”
“Jemi të kënaqur që kemi arritur ta finalizojmë transferimin para Kupës së Botës për Klube FIFA dhe që e shohim Joben për herë të parë me ngjyrat tona në Shtetet e Bashkuara. Ai është në formë të shkëlqyer dhe mezi pret ta marrë përsipër këtë sfidë të re. Jobe dëshiron dhe do ta bëjë rrugën e tij te BVB, duke lënë gjurmën e tij në lojën tonë”, vazhdoi ai.
Jobe Bellingham shprehu gjithashtu lumturinë e tij për transferimin: “Jam shumë i lumtur që tani jam lojtar i Borussia Dortmund dhe që luftoj për tituj së bashku me këtë klub të madh. Jam shumë i lumtur që tashmë mund të vesh fanellën e verdhë dhe të zezë në Kupën e Botës për Klube FIFA”, përfundoi ai.
/GazetaBlic Sport
The post Të dy vëllezërit Bellingham në Kupën e Botës për Klube, Jobe: “I lumtur që vesh fanellën e Dortmundit” appeared first on GazetaBlic.
