Sulmuesi kosovar i Lilles, Edon Zhegrova, raportohet se është shumë pranë një hapi të madh në karrierën e tij.
Sipas “Footmercato”, ylli i Kombëtares së Kosovës ka arritur marrëveshje me Olympique Marseille për një kontratë pesëvjeçare, që do ta mbajë të lidhur me klubin francez deri në qershor 2030.
Zhegrova, i cili së fundmi ka marrë edhe pasaportën shqiptare, shihej si objektiv i Juventusit, por siç raportohet, kosovari ka zgjedhur t’i japë përparësi gjigantit francez. Tani, mbetet që Marseille dhe Lille të arrijnë marrëveshje përfundimtare për kartonin e tij.
“U arrit marrëveshja e plotë midis Olympique Marseille dhe Edon Zhegrovës. Kontratë deri më qershor 2030. Zhegrova zgjodhi OM pavarësisht interesimit nga Juventusi”, ka shkruar gazetari i njohur Santi Aouna.
Nëse transferimi zyrtarizohet, Zhegrova do të bëhet një nga futbollistët më të rëndësishëm shqiptarë në Ligue 1, duke bërë një hap tjetër të madh në karrierën e tij.
The post Zhegrova arrin marrëveshje me Marseille-n, ‘harron’ Juven appeared first on Kosovapost.net.
