Darwin Nunez ishte në bisedime serioze për t’iu bashkuar skuadrës Saudite të Pro League, Al Nassr në janar, shkruan Fabrizio Romano.
Skuadra e Cristiano Ronaldos i bëri dy oferta zyrtare Liverpoolit për sulmuesin uruguaian. E dyta ishte mbi 75 milionë euro plus shtesa.
Në të njëjtën kohë, Al Nassr ishte ‘shumë i avancuar’ në bisedimet me Nunez për kontratën që ai do të kishte nënshkruar në Arabinë Saudite.
Megjithatë, Liverpooli e ndaloi marrëveshjen sepse nuk do të kishin kohë për të gjetur një zëvendësues të përshtatshëm për Nunez.
Al Nassr kaloi në objektiva të tjerë, duke nënshkruar përfundimisht Jhon Duran nga Aston Villa për një pako të ngjashme me atë të ofruar për Liverpoolin.
Ndërkohë, Reds do të rivlerësojnë situatën e Nunez në Anfield në verë, së bashku me lojtarët e tjerë.
