Milan e ka marrë në konsideratë atë për verën e ardhshme, por Leon Goretzka është i tunduar nga mundësia e largimit nga Bayern Munich gjashtë muaj para se të skadojë kontrata e tij për t’u bashkuar me Atlético Madrid që këtë sezon.
Në një intervistë me “Die Zeit”, vetë lojtari diskutoi të ardhmen e tij dhe mundësinë e largimit nga Gjermania. “Ndryshimi i Ligës është padyshim një opsion. E gjej emocionuese të shkoj jashtë vendit në fillim të karrierës sime”, tha Goretzka.
“E kam menduar dy herë në të kaluarën dhe kam zgjedhur me vetëdije të mos e bëj deri tani. E di që ndihem rehat në Mynih. Të bëj një hap jashtë vendit do të ishte gjithashtu një hap i rëndësishëm për rritjen time personale. Përjetimi i diçkaje të re do të më pasuronte jetën“, shtoi mesfushori gjerman.
Duhet të theksohet se Goretzka nuk e ka diskutuar në mënyrë të qartë mundësinë e largimit nga Bayern Munich në këtë dritare transferimi dimëror. Kontrata e tij është e vlefshme deri më 30 qershor 2026.
Sipas “Sky Sport”, Atletico Madrid ka bërë një ofertë prej 5 milionë eurosh për ta liruar atë para afatit të fundit. Gjithsesi, ka gjasa që ai të mbetet te Bayern deri në fund të sezonit.
The post Ylli i Bayern konfirmon largimin: Dua të provoj të luaj në një kampionatit tjetër appeared first on Telesport.
