Kenan Yildiz është padyshim ylli kryesor i Juventusit, ylli turk ka zgjuar interesimin e shumë klubeve të mëdha, duke vënë kështu në presion të madh bardhezinjtë për rinovimin e kontratës.
Kontrate aktuale e Yildiz skadon në vitin 2029, por klubi bardhezi kërkon të rinovojë të paktën edhe për dy vite të tjera. Ndërkohë, “La Gazzetta dello Sport” zbulon se Yildiz ka dy kushte për të rinovuar kontratën.
20-vjeçari turk dëshiron të bëhet lojtari më i paguar te Juventusi dhe të marrë garanci për ambiciet e mëdha të klubit në vitet e ardhshme. Yildiz aktualisht fiton 1.7 milionë euro në sezon, por objektivi i tij është të bëhet lojtari më i paguar në ekip me një pagë prej të paktën 6 milionë eurosh, aq sa paguhet Jonathan David.
Oferta e Juventusit është midis 4 dhe 5 milionë euro në sezon, plus bonuse. Pra, ekziston një diferencë prej rreth 1 milion eurosh midis ofertës së klubit dhe kërkesave të lojtarit, por Yildiz gjithashtu dëshiron garanci në lidhje me projektin dhe ambiciet afatgjata të klubit. Bisedimet mes palëve vazhdojnë ende, por deri tani nuk ka tym të bardhë…
The post Yildiz zë në befasi Juventusin, dy kushte për të rinovuar kontratën appeared first on Telesport.
