“Yildiz ngjason në karakteristika me Del Pieron. Aspak e lehtë ta mbash numrin 10 në moshën 19 vjeç”

Vincenzo Montella, trajneri i Turqisë, foli për kampionët që ka në kombëtare dhe futbollin italian. Për Yildiz: “Është vetëm 19 vjeç, nuk është e lehtë të veshësh fanellën me numrin 10 te Juventusi. Që prej disa vitesh kishte treguar cilësi të mëdha, këtë sezon është më i vazhdueshëm dhe më i vetëdijshëm. Si karakteristika i afrohet Del Pieros”.

Për Calhanoglu: “Ka shumë pak lojtarë në botë të këtij niveli në atë rol. Sezonin e kaluar pati disa rënie fizike, por tani e shoh në rritje të madhe. Për ne dhe për Interin është  element thelbësor”.

Për Romën dhe Pellegrinin: “Derbi u vendos nga një episod, jam i lumtur që shënoi Pellegrini, sepse është një djalë i jashtëzakonshëm dhe tifoz i Romës. Shpesh kritikohet, por është mesfushor me cilësi dhe me golin në ADN. Roma është në rrugën e duhur”.

The post “Yildiz ngjason në karakteristika me Del Pieron. Aspak e lehtë ta mbash numrin 10 në moshën 19 vjeç” appeared first on Telesport.

Banka Qendrore e Kosovës (BQK) dhe Banka Qendrore Evropiane (BQE) kanë nënshkruar një marrëveshje bashkëpunimi për forcimin e mekanizmave kundër falsifikimit të kartëmonedhave euro, duke e vendosur Kosovën më pranë standardeve të Bashkimit Evropian në këtë fushë. Marrëveshja u nënshkrua nga guvernatori i BQK-së, Ahmet Ismaili, dhe presidentja e BQE-së, Christine Lagarde. Sipas njoftimit zyrtar, ky hap shënon një moment të rëndësishëm në integrimin e BQK-së në rrjetin profesional të Eurosistemit dhe partnerëve ndërkombëtarë përmes Sistemit të Monitorimit të Falsifikimeve të BQE-së (CMS). “Përmes kësaj marrëveshjeje, BQK do të ketë qasje në mekanizmat operativë të BQE-së të dizajnuar për të parandaluar dhe luftuar falsifikimin e kartëmonedhave euro”, thuhet në komunikatën e institucionit kosovar, ku theksohet se bashkëpunimi do të përfshijë edhe shkëmbimin e informacionit teknik dhe ndërtimin e kapaciteteve vendore. Ky projekt është zhvilluar me mbështetjen e Bankës Kombëtare të Kroacisë dhe institucioneve relevante të Kosovës në kuadër të TAIEX-it të BE-së, duke synuar krijimin e Qendrës Kombëtare Kundër Falsifikimit dhe të Sistemit Kombëtar për Monitorimin e Falsifikimeve. BQK vlerësoi rolin e partnerëve ndërkombëtarë, veçanërisht të BQE-së, dhe riafirmoi përkushtimin për modernizimin e përpunimit të parasë, rritjen e vetëdijes publike dhe avancimin e Kosovës drejt integrimit të plotë në praktikat e përbashkëta të BE-së.

September 22, 2025