Ish-banorja e Big Brother VIP Kosova, Xheneta Fetahu, ka bërë bujë në rrjetet sociale me ndryshimin e saj më të fundit.
Përmes disa fotografive të publikuara në Instagram, ajo i la ndjekësit e saj të habitur me një pamje krejtësisht të re dhe të guximshme.
Xheneta u shfaq me një make-up intensiv, duke theksuar sytë me një stil ‘smokey’, ndërsa flokët i kishte stiluar gjysmë të kapura, duke i dhënë një prekje elegante dhe moderne dukjes së saj.
Por nuk ishte vetëm grimi ai që tërhoqi vëmendjen – edhe veshja e saj ishte unike dhe plot stil.
Ajo kishte kombinuar një këmishë me jelek dhe një fustan të shkurtër, një zgjedhje që reflektonte vetëbesim dhe stil të veçantë.
Përveç paraqitjes së saj tërheqëse, edhe përshkrimi i postimit tërhoqi vëmendje. Me një qëndrim sfidues dhe të sigurt, Xheneta shkroi: “Tani bëj çfarë dua unë”.
Ky ndryshim i saj u prit me reagime të shumta nga ndjekësit, të cilët e komplimentuan për pamjen.
