Trajneri i Real Madrid, Xabi Alonso, ka reaguar pas barazimit 2-2 të “los blancos” me Elche jashtë fushe. Ai u pyet për vetë-reflektimin dhe nëse skuadra është shpërbërë, për të cilën ai tha: “Nuk jemi shpërbërë”.
“Ne ende po garojmë. Konteksti i çdo ndeshjeje është i ndryshëm. Rezultati është ai që ka rëndësi dhe ne jemi të vetëdijshëm për këtë dhe bëjmë autokritikë. Fryma është e mirë, ndaj duhet t’i përgjigjemi vështirësive. Ky është Real Madrid. Ne jetojmë me kritika; ne duam të përmirësohemi”, tha Alonso.
“Ky është futbolli. Pas një serie të mirë, kemi pasur disa rezultate që nuk i donim. Ne e dimë se çfarë duam, duhet të vazhdojmë të shtyjmë përpara. Nuk jemi të lumtur, ne gjithmonë duam të fitojmë. Kanë mbetur shumë ndeshje, kështu që duhet të përqendrohemi në tjetrën duke analizuar atë që bëmë dje”, shtoi Xabi Alonso,
Më tej, trajneri spanjoll tha: “Unë analizoj gjithçka pas ndeshjeve, përpiqem të nxjerr përfundime dhe t’ua përcjell lojtarëve. Ndaj Elche ndjeva se na mungonte qëndrueshmëria pas barazimit 1-1. Në pjesën e parë, po punonim shumë për të marrë epërsinë. Megjithatë, skuadra nuk u dorëzua.”
The post Xabi Alonso: Pas një serie pozitive po vijnë disa rezultate që nuk i donim, ky është futbolli appeared first on Telesport.
