Albert Krasniqi nga Demokracia Plus ka krahasuar rezultatet e votimit jashtë vendit me ato të zgjedhjeve të vitit 2021.
Sipas tij, VV-ja ka rënie të votave, pra 28 vota më pak, ndërsa partitë e tjera kanë shënuar rritje.
Përmes një statusi në Facebook, Krasniqi ka postuar një tabelë ku ka bërë krahasimin, e që thotë se LDK’ja ka pësuar rritjen më të madhe me 15 mijë e 748 vota më shumë.
Ai shtoi se VV-ja kishte shpresuar se mundësimi i votimit nëpër misione diplomatike do të sillte më shumë përkrahje nga diaspora, por që sipas tij, kjo pritje nuk është realizuar.
“PDK 2,021 vota më shumë, dhe AAK-NISMA me 746 vota më shumë”, tha Krasniqi.
