Juventus ka fituar në transfertë 0-1 në Genoa, ndeshje e vlefshme për javën e dytë në Serie A. Golin vendimtar për bardhezinjtë e ka shënuar Dusan Vlahovic në minutën e 73-të, vetëm pak pasi ishte futur si zëvendësues në fushë në vend të Jonathan David. Sulmuesi serb shënoi me kokë pas krosimit nga goditja e këndit nga Kostic. SHIKOGOLIN
Vlahovic e ka nisur shumë mirë këtë sezon të ri, duke shënuar dy gola në dy ndeshjet e para dhe pse nuk ka qenë titullar. Pothuajse gjatë gjithë merkatos verore, sulmuesi serb është përfolur për një largim nga Juventus. Por, me formën e treguar në këto dy ndeshje të para, drejtuesit e klubit bardhezi me siguri që nuk e mendojnë më largimin e tij.
Pas fitores së sotme, Juventus ka 6 pikë në dy ndeshje dhe i bashkëngjitet Napolit, Romës dhe Cremonese-s. Në sfidën tjetër, Torino barazoi pa gola në shtëpi ndaj Fiorentinës. Debuton Kristjan Asllani, i cili bëri një paraqitje të parë pozitive dhe luajti për 80 minuta.
The post Vlahovic nderon Juventus dhe siguron “qëndrimin”. Asllani debuton te Torino (video) appeared first on Telesport.
